سياسة الخصوصية

في Mon Secret نحترمو خصوصيتك. الصفحة هذي تشرح شنوّة المعطيات اللي نجمعوها، علاش، وشنوّة حقوقك، طبقاً للقانون الأساسي عدد 63 لسنة 2004 المتعلق بحماية المعطيات الشخصية.

1. المعطيات اللي نجمعوها

• رقم هاتفك اللي تكتبيه وقت الطلب.
• تفاصيل الطلبية: المنتج، المقاس، الكمية والتاريخ.
• وقت التأكيد بالتليفون: اسمك وعنوان التوصيل.
• معطيات تقنية: عنوان IP ونوع المتصفح، للحماية من الطلبات الوهمية.

2. كيفاش نستعملو معطياتك

• باش نتصلو بيك ونأكدو الطلبية ونحضّروها.
• باش نبعثو لشريكنا في التوصيل Intigo المعلومات الضرورية (الاسم، الهاتف، العنوان) باش يوصلك الطرد.
• باش نتابعو خدمة ما بعد البيع والتبديل.
• باش نقيسو نجاعة إعلاناتنا (شوفي الفقرة 4).

ما نبيعوش معطياتك لحتى طرف.

3. مدة الحفظ

نحتفظو بمعطيات الطلبية المدة اللازمة لمعالجتها ومتابعة الحريفة، وأقصى حد 3 سنين بعد آخر طلبية، إلا إذا القانون يفرض غير هكا.

4. الكوكيز و Meta Pixel (فيسبوك)

الموقع يستعمل Meta Pixel باش نقيسو الزيارات والطلبات اللي جاية من إعلاناتنا على فيسبوك وإنستغرام، وباش نعرضو إعلانات تناسبك. الـ Pixel ينجم يحط كوكيز ويجمع معلومات على التصفح (الصفحات، فتح استمارة الطلب، الطلبية). المعطيات هذي تعالجها Meta Platforms حسب سياسة الخصوصية متاعها.

فما زادة كوكي تقني يحفظ اللغة اللي اخترتيها (عربية ولا فرنسية). تنجمي ترفضي الكوكيز من إعدادات المتصفح، ولا تتحكمي في الإعلانات من حسابك على فيسبوك.

5. الحماية

معطياتك محفوظة في سيرفرات آمنة، وما يوصلهاش كان الأشخاص المكلّفين بمعالجة الطلبات.

6. حقوقك

تنجمي في أي وقت تطلبي الاطلاع على معطياتك ولا تصحيحها ولا حذفها. يكفي تقوليلنا وقت مكالمة التأكيد، ولا تبعثيلنا ميساج على صفحة الفيسبوك.